Adhaircean mòra no beaga?

  • 22 An Lùnasdal 2013
Rùide Image copyright Handout
Image caption Bha an luchd-rannsachaidh a' coimhead ri rùide Hiort

Dè as fheàrr a bhith aig rùda - adhaircean mòra no adhaircean beaga?

Tha beachd aig luchd-rannsachaidh à Dùn Èideann agus Sheffield.

Bha an luchd-rannsachaidh a' coimhead ri rùide fhiadhaich ann an Hiort thairis air 20 bliadhna.

Sheall iad gu sònraichte ris na h-adhaircean aca, agus fhuair iad a-mach gun robh feadhainn le adhaircean mòra na bu shoirbheachaile leis na caoraich, ach gun robh rùide le adhaircean beaga no meadhanach mòr beò na b' fhaide.

Tha an luchd-rannsachaidh ag ràdh gu bheil an sgrùdadh aca ag innse dhuinn carson tha adhaircean beaga fhathast aig cuid de rùide.

Nuair a thig e gu caoraich, arsa an luchd-rannsachaidh, beiridh rùide nan adhaircean beaga air rùide nan adhaircean mòra aig a' cheann thall.