Càr ann an Abhainn Nis

Chaidh an càr a-steach gu Abhainn Nis mu 10:00m Diardaoin.

Chaidh cobhair a dhèanamh air duine às dèidh mar a chaidh an càr aige gu Abhainn Nis ann am meadhan Inbhir Nis.

Chaidh na seirbheisean èiginn a ghairm chun na h-aibhne dìreach às dèidh 10:00m.

Tha e coltach gun deach an càr far an rathaid air Sràid Àird Rois is gun do bhrist e tro fheansa mheatailt, mus deach e sìos bruach na h-aibhne.

Bha aig luchd-smàlaidh ris an duine a shaoradh bhon chàr.

Chaidh a thoirt dhan ospadal ach tha e coltach nach eil e air a dhroch ghoirteachadh.