Leabhar Sgithidh Albannach ùr

  • 15 An t-Samhain 2013
An t-Aonach Mòr Image copyright Allister Combe/Geograph
Image caption Tha na slighean comharraichte a' tàladh mòran, ach 's fheàrr le cuid de luchd-sgithidh slighean ùra fheuchainn.

Tha leabhar le comhairle mu a bhith a' sgitheadh agus a bhith air bùird-shneachda far shlighean comharraichte ga fhoillseachadh Dihaoine.

Thathas a' tuigsinn gur e a' chiad leabhar de a sheòrsa airson Alba.

Tha an leabhar, a chaidh a sgrìobhadh le Coinneach Biggin, ga fhoillseachadh aig Ionad-Sgithidh an Aonaich Mhòir ann an Loch Abar.

Anns an leabhar "Scottish Offpiste Skiing and Snowboarding: Nevis Range and Ben Nevis" tha fiosrachadh agus dealbhan mu shlighean nach eil comharraichte.

Tha an seòrsa sgithidh a tha seo air a dhèanamh air falbh bho shlighean agus lioftaichean aig ionadan sgithidh.

Dh'fhosgail seusan sgithidh na h-Alba aig a' Chàrn Ghorm faisg air an Aghaidh Mhòir bho chionn beagan làithean.