Àireamh de thraoin ann an Alba air tuiteam

Corncrake. Pic: Andy Hay/RSPB Scotland Image copyright Andy Hay/RSPB Scotland
Image caption Tha an àireamh de thraoin ann an Alba air tuiteam 23% taobh a-staigh bliadhna.

Bu chòir do Riaghaltas na h-Alba £85m a chosg air sgeama àiteachais airson àireamhan an traoin a dhìon.

Sin a rèir Comann Rìoghail Dìon nan Eun, (RSPB).

Tha an àireamh de thraoin ann an Alba air tuiteam 23% taobh a-staigh bliadhna, bho 1,260 ann an 2012 gu 971 ann an 2013.

Thuirt a' bhuidheann gun do chuir sìde fhuar an earraich bacadh air an fheur fhada a tha cho riatanach do na h-eòin a thaobh àrainn agus briodadh.

'S e maoineachadh bhon Aonadh Eòrpach anns na 90an a phàigh airson nan sgeamaichean àiteachais a thug ath-nuadhachadh do dh'àireamhan an traoin.

Ron a sin, bha na h-àireamhan air crìonadh gu ìre far an robh dragh ann gun deadh iad a-mach à bith.

Sgeamaichean àiteachais

A-nis, le na h-àireamhan a' tuiteam a-rithist, tha cothrom aig Riaghaltas na h-Alba barrachd airgid fhaighinn bhon Aonadh Eòrpach agus na sgeamaichean àiteachais a leudachadh.

Thuirt Vicki Swales bhon RSPB gun robh e deatamach gun gabhadh an Riaghaltas an cothrom a tha air nochdadh bho atharrachaidhean ann am poileasaidh àiteachais an Aonaidh Eòrpaich barrachd airgid a chosg air na sgeamaichean àiteachais a tha air a bhith cho soirbheachail anns na bliadhnaichean a dh'fhalbh.

A bharrachd air na traoin, dh'fhaodadh flùraichean fiadhaich agus seillein buannachd fhaighinn às na sgeamaichean.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile