Cathraiche ùr aig Comhairle nan Eilean Siar

Chaidh cathraiche ùr a thaghadh airson Comataidh an Leasachaidh Mhaireannaich aig Comhairle nan Eilean Siar.

Tha an Comh. Alasdair MacLeòid, à sgìre an Rubha, a' gabhail na dreuchd a leig Eàirdsidh Caimbeul dheth o chionn ghoirid.

Fhuair e aon bhòt a bharrachd air a' Chomh. Ùisdean Robasdan.

'S e Dòmhnall Crichton an Iar-chathraiche ùr, an àite Theàrlaich MhicNeacail.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh