Obair air tòiseachadh air Drochaid Cheasaig

Air fhoillseachadh
Fo-thiotal an deilbh,
Mairidh an obair fad fichead seachdain.

Tha an dàrna pàirt den obair-càraidh air Drochaid Cheasaig a-nis air tòiseachadh.

Tha dùil gun lean an obair, air an t-slighe deas den drochaid, fad fichead seachdain.

Chaidh càradh mar-thà a dhèanamh air taobh eile na drochaid mar phàirt de chùmhnant anns a bheil luach £13m.

Dàil

Tha dùil gun cuir an obair na h-uimhir de mhaill air dràibhearan, 's casg-astair 30 msu an sàs air an drochaid.

Thathas ag iarraidh air luchd-siubhail còmhdhail phoblach a chleachdadh ma 's urrainn dhaibh idir gus nach bi uiread de thrafaig a' cleachdadh na drochaid.

Bidh còrr 's 30,000 carbad a' dol tarsainn Drochaid Cheasaig gach là - a' ciallachadh gur i tè de na drochaidean as trainge ann an Alba.

Tha Bear Scotland air rabhadh a thoirt gum faodadh dàil suas ri uair de thìde a thighinn air dràibhearan, aig a' char as miosa, fhad 's a tha an obair a' leantainn.

Tuilleadh air an sgeulachd seo

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh