BBC Naidheachdan

Boireannach an grèim co-cheangailte ri bàs fireannaich

Published

Nochdaidh boireannach sa chùirt Diardaoin co-cheangailte ri bàs fireannaich anns an Eilean Sgitheanach air an deireadh-sheachdain.

Chaidh corp an fhireannaich, a bha 64, agus a chaidh ainmeachadh gu h-ionadail mar Tormod Bruce, a lorg ann an taigh ann am Breacais feasgar na Sàbaid.

Fhuairear lorg air an duine an dèidh do dh'oifigearan poilis fios fhaighinn mu bhàs obann aig dachaigh sa bhaile.

Thuirt fear-labhairt bho Phoilis na h-Alba gun deach boireannach, aois 59, a chur an grèim, agus gun nochd i sa chùirt ann an Inbhir Nis Diardaoin.

Ceanglaichean Eadar-lìn Dàimheil

  • Poilis na h-Alba (Beurla)

Chan eil am BBC an urra ri na tha air Làraichean-lìn air an taobh a-muigh