BBC Naidheachdan

Inbhir Nis air fàs 18% thar deich bliadhna

Published
image captionThuirt a' Chomhairle gun do thàl taighean ùra teaghlaichean òga chun a' bhaile.

Dh'fhàs Inbhir Nis faisg air a' chòigeamh cuid thairis air deich bliadhna, a rèir aithisg a thèid air beulaibh Comhairle na Gàidhealtachd Màirt.

A rèir àireamhan a' Chunntais-Shluaigh dh'fhàs baile Inbhir Nis cha-mhòr 18% thairis air deich bliadhna, àrdachadh na bu mhotha na an 11% air a' Ghàidhealtachd air fad.

Tha an aithisg a' ceangail sin ri fàs ann an eaconamaidh na sgìre.

Tha a' Chomhairle ag ràdh gu bheil ceangal a th' ann eadar far an deach taighean a thogail sa bhaile agus fàs san eaconamaidh, le sgeamaichean de thaighean a thàl teaghlaichean òga cuideachd a' ciallachadh nach eil an sluagh ann an Inbhir Nis cho aosta ri àitichean eile.

Ged a tha an sluagh fhathast a' fàs nas sine, tha an àireamh mhòr de dhaoine eadar 18 agus 47 air fàgail gu bheileas dòchasach gun toir e air barrachd chompanaidhean smaoineachadh air a bhith stèidhichte ann an Inbhir Nis.

Ceanglaichean Eadar-lìn Dàimheil

  • Comhairle na Gàidhealtachd (Beurla)

Chan eil am BBC an urra ri na tha air Làraichean-lìn air an taobh a-muigh