Fear a bhàsaich san Eilean Sgitheanach air ainmeachadh

Tha na Poilis air fireannach a chaochail às dèidh tubaist-rathaid san Eilean Sgitheanach Là na Sàbaid ainmeachadh.

B' esan Alexander Kenneth Brown, a bha 33, agus a bhuineadh do sgìre Shawlands ann an Glaschu.

Thachair an tubaist air an A87 faisg air Loch Aineort mu 9.40m, agus dhearbh na poilis gun do bhàsaich am fear-motor-baidhsagal aig làrach na tubaist.

Chaidh rannsachadh tubaist a dhèanamh agus chaidh aithisg a chur gu Neach-Casaid a' Chrùin.