Dà eun-creachaidh eile marbh

Clamhan-gobhlach Image copyright Steve Mackay
Image caption Tha duais de chòrr air £27,000 ann do dhuine sam bith a bheir fiosrachadh seachad a leanas gu dìteadh.

Dhearbh na poilis gun deach dà chlamhan-gobhlach eile a lorg marbh air Taobh Sear Rois.

Tha a-nis 22 eun-creachaidh air a bhith air an lorg marbh faisg air Drochaid Sguideil bhon Mhàrt - 16 clamhain-ghobhlach agus 6 clamhain.

Dhearbh deuchainnean gun deach mòran de na h-eòin a phuinnseanachadh.

Tha an t-oifigear poilis as àirde dreuchd ann an Alba, Sir Stephen House, ag ràdh gun ghabh e fhèin gnothach ris an rannsachadh gu pearsanta.

Tha duais de chòrr air £27,000 ann do dhuine sam bith a bheir fiosrachadh seachad a leanas gu dìteadh.

Thigeadh £12,000 dhen sin bho thuathanaich agus uachdarain ann an sgìre Linne Mhoireibh.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile