Ospadal an Ràthaig Mhòir glan

Ospadal an Ràthaig Mhòir
Image caption Nochd ceist mu ghlainnead às dèidh do luchd-sgrùdaidh tadhal air Ospadal an Ràthaig Mhòir.

Thuirt NHS na Gàidhealtachd nach bu chòir iomagain a bhith air a' phoball mu ghlainead ann an Ospadal an Ràthaig Mhòir ann an Inbhir Nis.

Nochd ceist aig cuid nuair a thàinig air a' bhòrd-slàinte tuilleadh obair-glanaidh a chur air dòigh anns an ospadal às dèidh do luchd-sgrùdaidh tadhal air an ospadal.

Thadhail Buidheann sgrùdaidh a' Chùraim Shlàinte air Ospadal an Ràthaig Mhòir air dà là air a' mhìos a dh'fhalbh, gun rabhadh, agus thog iad air grunn rudan air am feumadh an t-ospadal piseach a thoirt.

Obair-glanaidh

Nam measg, bha mar a tha iad a' dèiligeadh ri sgudal clinigeach - agus chaidh cuideachd tuilleadh obair-glanaidh iarraidh ann an Roinn A&E an ospadail.

Thog aithisg bho chionn dà bhliadhna grunn uireasbaidhean ann an Ospadal an Ràthaig Mhòir.

Thuirt Catherine Stokoe bho NHS na Gàidhealtachd gun deach obair mhòr a dhèanamh bhon uair sin agus gu bheil an t-ospadal glan.

Thèid làn aithisg na buidhne sgrùdaidh fhoillseachadh an ath-mhìos.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile