Niall Iain air an t-slighe
- Air fhoillseachadh
Dh'fhàg Niall Iain Dòmhnallach New York Oidhche Ardaoin.
Tha Niall Iain Dòmhnallach air an t-slighe gu ruige Steòrnabhagh is e air dùbhlan NY2SY a thòiseachadh.
Dh'fhàg Niall Iain Liberty Landing Marina ann an New York aig 3f Diardaoin àm ionadail (8f BST).
Beagan uairean a thìde às dèidh sin, dh'innis Niall Iain air Facebook gun robh e air New York fhàgail air a' chùlaibh is e anns a' Chuan a Tuath.
Thuirt e gun robh na ciad uairean de thìde de dh'iomradh cruaidh ach gun robh e air deagh adhartas a dhèanamh.
Tha Niall Iain ag amas Steòrnabhagh a ruighinn san t-Sultain.
Tha e ag amas air na mìltean mòra a thogail do charthannas slàinte-inntinn.
Tuilleadh air an sgeulachd seo
- Air fhoillseachadh5 An t-Ògmhios 2014
Ceanglaichean Eadar-lìn Dàimheil
Chan eil am BBC an urra ri na tha air Làraichean-lìn air an taobh a-muigh