BBC Naidheachdan

Poilis a' sireadh fiosrachaidh às dèidh tubaist rathaid

Published

Tha na poilis anns na h-Eileanan an Iar a' sireadh tuilleadh fiosrachaidh mu thubaist rathaid anns an deach fireannach òg a dhroch ghoirteachadh.

Thachair an tubaist air rathad an A857 ann an Lìonail ann an Nis, goirid ro 01:00 air madainn Disathairne.

Cha robh ach aon càr an sàs anns an tubaist, 's chaidh an dràibhear a dhroch leòn.

Thuirt na poilis gur e fireannach, aois 24, a bha a' dràibheadh am Ford Focus uaine.

Tha cobhair ga dheànamh air san ospadal ann am Pàislig.