Leasachadh aig Norbord

Norbord Image copyright Stanley Howe / Geograph
Image caption Dh'fhosgail an fhactoraidh a th' aig Norbord faisg air Inbhir Nis an toiseach bho chionn 25 bliadhna

Thug Comhairle na Gaidhealtachd cead dhan chompanaidh Norbord airson leudachadh agus leasachadh mòr a thoirt air an fhactaraidh aca faisg air Inbhir Nis.

Bidh a' chompanaidh a' giollachd fiodha san fhactoraidh faisg air Port-adhair Inbhir Nis.

Cuiridh an leasachadh dìon air 130 cosnadh aig an fhactaraidh agus air 300 cosnadh eile co-cheangailte ris a' ghnìomhachas.

Tha a' chompanaidh am beachd uidheamachd ùr a chur dhan fhactaraidh, a dh'fhosgail an toiseach bho chionn 25 bliadhna.

Tha iad ag ràdh gur e seo a' chiad phàirt de ghoireas ùr a bhios air a leasachadh ri taobh na factaraidh a th' ann.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile