Dàil eile air aiseag ùr Steòrnabhaigh

Chan eil dearbhadh ann fhathast cuin a thòisicheas an MV Loch Seaforth gu h-oifigeil air an t-slighe aice.

Thàinig maill eile air an obair gus an MV Loch Seaforth fhaighinn deiseil airson na slighe eadar Steòrnabhagh agus Ulapul.

Bha dùil gum biodh i a' tòiseachadh air an t-slighe anns an t-Sultain.

Tha CMAL ag ràdh nach bi i ann an seirbheis gus am bi alt-aiseig ùr Steòrnabhaigh deiseil.

Tòisichidh na deuchainnean mara aice an t-seachdain seo agus tha CMAL ag ràdh gun tòisich i air slighe Steòrnabhaigh cho luath 's a ghabhas às dèidh sin.

'S ann anns a' Ghearmailt a chaidh an t-aiseag ùr a thogail.

Cumaidh an MV Isle of Lewis oirre air seirbheis Stèornabhaigh gus am bi an t-aiseag ùr deiseil.