BBC Naidheachdan

Plana NHS Roinn a' Mhonaidh

Published
image copyrightGeograph/Bill Harrison
image captionCoinnichidh am bòrd slàinte madainn Dihaoine airson atharrachadh a thoirt air an roinn èiginnich aig Ospadal Rìoghail Obar Dheathain.
Tha plana aig NHS Roinn a' Mhonaidh airson còrr air £2m a chosg a' fastadh luchd-obrach airson roinn èiginneach Ospadal Rìoghail Obar Dheathain.
Tha seo a' tighinn às dèidh do dh'àrd-dhotairean draghan a thogail mu shàbhailteachd nan euslainteach.
Coinnichidh am bòrd slàinte madainn Dihaoine airson atharrachadh a thoirt air an roinn èiginnich aig Ospadal Rìoghail Obar Dheathain.
Tha àrd-dhoctairean air draghan a thogail mar-thà agus iad ag ràdh nach eil luchd-obrach gu leòr ann.
Leis a' phlana ùr seo, thèid 27 dreuchdan làn-ùine a chruthachadh - rud a chosgas còrr air £2m.
Am measg na thèid fhastadh, bidh àrd-dhotairean, nursaichean, luchd-taic lighichean agus luchd-rianachd.
Bidh am bòrd a' coimhead ri tuilleadh a dhèanamh anns an t-Samhain gus piseach a thoirt air dòighean-obrach na roinne.