Cìsean ùra gam foillseachadh

Cha bhi cìs idir ri phàigheadh air a' chiad £135,000 de mhalairt taighe.

Cha phàigh daoine a cheannaicheas taigh nas saoire na £135,000 ann an Alba cìs sam bith.

Thug Rùnaire an Ionmhais, Iain Swinney, an naidheachd seachad agus e a' foillseachadh buidseat na h-Alba airson na bliadhna-iomhais a tha romhainn.

Aig a' cheart àm, thèid cìs 12% a chur air taighean luach còrr is £1m, bhon Ghiblean an ath-bhliadhna, nuair a thèid cur às do Chìs Stampa ann an Alba.

Thuirt Mgr Swinney gun cuidicheadh an gluasad daoine a cheannaicheas dachaighean airson a' chiad turais.

Fo chìs ùr na Malairt Fearainn agus Thogalaichean, dheadh cìs 2% air an earrainn de mhalairt eadar £135,000 agus £250,000, le 10% a' dol air malairtean eadar £250,000 agus £1m.

"Ri linn nan ìrean a dh'fhoillsich mi an-diugh, cha phàigh duine cìs air a' chiad £135,000 de chosgais an taighe aca. Bheirear 5,000 malairtean a bharrachd a-mach à cìs, a' toirt taic do dhaoine a tha a' ceannach dachaigh airson a' chiad turais, agus dhaibhsan a tha a' ceannach dachaigh ann am margaidh nam prìsean reusanta."

Lùghdachadh

Thuirt Mgr Swinney cuideachd gun deadh cìs a lùghdachadh airson 44,000 malairt taighe a bharrachd suas gu £325,000.

Thuirt e gun dèanadh ìre an 12% cinnteach gum pàigheadh na daoine as saibhre san dùthaich an cuibhreann.

'S e seo a' chiad uair a tha Pàrlamaid na h-Alba air cìsean ùra a chruthachadh bho Achd an Aonaidh ann an 1707.

Ann an gnothaichean eile, dh'fhoillsich Mgr Swinney cuideachd gum faiceadh buidseat 2015/16: