BPA Gàidhealach air gluasad gu na h-Uainich

Iain Finnie Image copyright Other
Image caption Bha Iain Finnie roimhe na bhall SNP aig Holyrood.

Tha am Ball-Pàrlamaid Albannach Gàidhealach, Iain Finnie, a bha roimhe na bhall dhan SNP, ag ràdh gu bheil e an dòchas seasamh dhan Phàrtaidh Uaine anns an ath-thaghadh ann an 2016.

Chaidh Iain Finnie a thaghadh mar Bhall-Pàrlamaid Albannach ann an 2011, air liosta na Gàidhealtachd 's nan Eilean aig an SNP.

Dh'fhàg e an SNP ann an 2012 ge-tà, air sgàth seasamh a' phàrtaidh air ballrachd Alba neo-eisimeilich ann an NATO.

Tha e air a bhith a' seasamh mar bhall neo-eisimeileach ann am Pàrlamaid na h-Alba bhon uair sin.

Am Pàrtaidh Uaine

Dhearbh e aig co-labhairt Phàrtaidh Uaine na h-Alba aig an deireadh-sheachdain gu bheil e a-nis a' cur taic ris a' phàrtaidh sin.

Cumaidh e air mar bhall neo-eisimeileach ann an Holyrood chun an ath-thaghaidh.

Tha leudachadh mòr air tighinn air ballrachd Phàrtaidh Uaine na h-Alba bho bhòt muinntir na h-Alba an aghaidh neo-eisimeileachd bho chionn mìos.

Bha na h-Uainich am measg na bha ag iomairt airson neo-eisimeileachd.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile