Cathraiche ùr air Cùirt an Fhearainn

Chaidh an Siorram Ruaraidh Iain MacLeòid QC a stèidheachadh Dihaoine mar chathraiche ùr Chùirt an Fhearainn.

Gabhaidh e àite a' Mhorair McGhie a leig dheth a dhreuchd.

Bha Mgr MacLeòid na leas-chathraiche air a' chùirt bho 2006 agus 's e an deicheamh duine a th' air obair a' chathraiche a ghabhail.

'S e a' chiad chathraiche le Gàidhlig bho chaidh a' chùirt a stèidheachadh ann an 1912.

Sgitheanach

'S ann à Port nan Long anns an Eilean Sgitheanach a tha Mgr MacLeòid, agus tha ceanglaichean aige cuideachd ris na Hearadh.

Thug e a-mach ceum ann an lagh ann an Oilthigh Dhùn Èideann.

'S e am Morair Minginis an tiotal ùr aige.