Comhairlichean gus beachdachadh air taigh-grùdaidh

Dealbh den phlana Image copyright Colin Armstrong Associates
Image caption Tha Jon agus Victoria Eramus airson taigh-grùdaidh, bùth agus gailearaidh ealain a thogail air Sràid Ness Bank.

Beachdaichidh comhairlichean an t-seachdain seo air planaichean gus taigh-grùdaidh a thogail ann an Inbhir Nis.

Tadhlaidh iad air an làraich Dimàirt.

'S iad an teaghlach Eramus, leis a bheil Taigh-òsta a' Ghlinne Mhòir, a th' air cùlaibh a' phlana.

Tha iad airson taigh-grùdaidh, bùth agus gailearaidh ealain a thogail air Sràid Ness Bank, ri taobh na h-aibhne.

Rachadh Bar Nico's air an làraich a leagal gus àite a dhèanamh dhan leasachadh.

Cosnaidhean ùra

Tha an teaghlach air a ràdh gun deadh leann ùr Gàidhealach a dhèanamh agus gum faodadh an leasachadh co-dhiù 12 cosnaidhean a chruthachadh.

Chuir Comataidh Dealbhachaidh a Chinn a Deas dàil air a' cho-dhùnadh roimhe, gus am b' urrainnear tadhail air an làraich.

Tha cuid air gearan mu choltas a' phlana agus mun bhuaidh a bheireadh e air trafaig san sgìre, ach tha oifigearan na Comhairle a' moladh gun tèid cead a thoirt seachad.

Tuilleadh air an sgeulachd seo

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile