BBC Naidheachdan

Pàipearan-baileat gan sgaoileadh

Published

Tha pàipearan-baileat gan cur a-mach Diciadain airson an taghadh airson Leas-Cheannard an SNP.

Tha cead aig na deichean mhìltean dhaoine bhòtadh san taghadh, nam measg mòran a th' air ballrachd a ghabhail sa phàrtaidh bho bha an referendum ann.

Tha triùir a' seasamh airson dreuchd Nicola Sturgeon. 'S iadsan Keith Brown agus Angela Constance a tha nam buill ann am Parlamaid na h-Alba, agus Stewart Hosie a tha na bhall ann an Westminster.

Thèid co-dhùnadh na bhòta ainmeachadh aig co-labhairt an SNP air an ath-mhìos.

Ceanglaichean Eadar-lìn Dàimheil

  • Pàrtaidh Nàiseanta na h-Alba (Beurla)

Chan eil am BBC an urra ri na tha air Làraichean-lìn air an taobh a-muigh