BBC Naidheachdan

Ath-thagraidhean gan diùltadh

Published
image copyrightBBC Alba
image captionNochd an dithis ann an Cùirt nan Ath-Thagraidhean Diciadain
Chaidh ath-thagradh dithis fhireannach a fhuaireadh ciontach airson murt an deugaire Liam Aitchison a dhiùltadh aig Cùirt nan Ath-Thagraidhean ann an Dùn Eideann Diciadain.
Aig toiseach an Ògmhios an-uiridh, chaidh Ionatan MacFhionghain agus Stefan Millar fhaighinn ciontach den mhurt ann an 2011.
Mìos an dèidh sin, chaidh binn beatha prìosain a chur orra, 's aca ri co-dhiù 18 bliadhna a chur seachad sa phrìosan mus deadh cead-saoraidh iarraidh.

Ath-thagradh

Nochd an dithis ann an Cùirt nan Ath-Thagraidhean Diciadain, 's iad air ath-thagradh a chur a-steach an aghaidh an dìtidh.
Bha an dithis a' dol às àicheadh nan casaidean gun do mhurt iad Liam nuair a shuidh a' chùis-mhuirt san Àrd-Chùirt ann an Glaschu.
Chuala a' chùirt an-uiridh gun robh 20 lotan sgeine air corp Liam, agus gun deach a dhochann gu dona mu a cheann.
Chaidh an corp aige a lorg ann an togalach falamh ann an Stèinis, air iomall Steòrnabhaigh ann an Leòdhas.

Tuilleadh air an sgeulachd seo

  • Ath-thagraidhean gan diùltadh