Cha deach ceann-là a stèidheachadh fhathast airson an MV Loch Seaforth

Published
image captionTha an t-aiseag ùr mìosan air dheireadh

Cha deach ceann-là a stèidheachadh fhathast airson aiseag ùr Steòrnabhaigh, an MV Loch Seaforth.

Tha Ùghdarras Caladh Steòrnabhaigh ag ràdh nach eil fios aca fhathast cùin a bhios am port deiseil airson an aiseig ùir.

Bha dùil ris an aiseag bho chionn grunn mhìosan, agus bha dòchas ann an uair sin gun tòisicheadh i ron Nollaig.

Ann am brath-naidheachd ge-tà, thuirt ùghdarras a' chalaidh gu bheil droch-shìde agus dùbhlain ensineeridh air maillle a chuir air an obair.

Chosg an t-aiseag ùr £42m agus 's ann anns a' Ghearmailt a chaidh a togail.

Tuilleadh air an sgeulachd seo

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh