RockNess air a cur dheth bliadhna eile
- Air fhoillseachadh
Tha cuid de na còmhlain ciùil as ainmeile ann an ceòl gu h-eadar-nàiseanta air cluich ann, nam measg Daft Punk, Fatboy Slim, Steve Aoki, Basement Jaxx agus Madness.
Cha tèid an fhèis chiùil RockNess air adhart am-bliadhna - an dàrna bliadhna a chaidh an fhèis a chur dheth.
Cha deach fèis na bliadhna an-uiridh air adhart ri linn 's nach gabhadh ceann-là a lorg air a shon nach robh aig an aon àm ri Cupa na Cruinne agus Geamaichean a' Cho-Fhlaitheis.
Chan eil planaichean air tighinn am follais aig an ìre seo nas motha an fhèis a ruith an ath-bhliadhna.
Chaidh an fhèis a chumail gach bliadhna bho 2006-13 ann an Dubhras, air bruaichean Loch Nis.
Bhiodh suas ri 30,000 duine a' tadhail air an fhèis, a chaidh a chumail thairis air trì làithean.
Tha cuid de na còmhlain ciùil as ainmeile ann an ceòl gu h-eadar-nàiseanta air cluich ann, nam measg Daft Punk, Fatboy Slim, Steve Aoki, Basement Jaxx agus Madness.