Teine "air a chur ri duine an Inbhir Narann"

Ospadal an Ràthaig Mhòir
Image caption Thugadh an duine an toiseach gu Ospadal an Ràthaig Mhòir, 's an uair sin gu Ospadal St John's ann am Baile Dhùn Lèibhe.

Chaidh duine ann an Inbhir Narann a tha gun dachaigh a chur na theine a dh'aona-ghnothach, a rèir nam Poileas.

Tha am fireannach, a tha 34, a' faighinn leighis aig Ospadal St john's ann am Baile Dhùn Lèibhe, 's e air a dhroch losgadh gu h-ìosail air a bhodhaig san ionnsaigh a thachair ann an Inbhir Narann mu 11:15f Dimàirt.

Chaidh ainmeachadh gu h-ionadail mar Seumas Seathach.

Thuirt na Poilis gun robh e ann an staid sheasmhaich.

"'S urrainn dha Poilis Alba dearbhadh gu bheileas a' dèiligeadh ris a' chùis seo mar rud a rinneadh a dh'aona-ghnothach, agus gu bheil loidhne sgrùdaidh gealltanach againn," thuirt labhraiche do na Poilis.

"Tha oifigearan gan dèanamh fhèin gu math follaiseach 's iad air patròl san sgìre, gus furtachd a thoirt don phoball."