Fear-coiseachd a dhìth
- Air fhoillseachadh
Cha do nochd Kyle Knox aig an àite-fuirich aige.
Chaidh fios a chur gu bheil fear-coiseachd a bha a' dol a dhìreadh Beinn Nibheis a dhìth.
Cha deach Kyle Knox, 23, à Lunnainn, air ais chun àite-fuirich aige anns a' Ghearasdan Dimàirt.
Chaidh fhaicinn mu dheireadh mu 10:00m Diluain ann an Gleann Nibheis.
Tha iomairt a' dol a-nis gus Mgr Knox a lorg.
Tha e 5' 10" de dh'àirde, caol le falt dorcha.
Bha briogais dhorcha agus seachaid le pàtran dearg air.
Tha heileacoptair Sea King an sàs anns an iomairt gus a lorg.