Duais bhaidhsagal-beinne Bhreatainn do Kherry

Kerry Nic a' Phì aig farpais baidhsagal Bhreatainn

Bhuanaich Kerry Nic a' Phì a Uibhist a' Deas farpais bhaidhsagal Bhreatainn ann an Salcraig Disathairne, a' criochnachadh dà mhionaid air thoiseach air Lee Craigie.

Chaidh i air thoiseach tràth san rèis, gus 75 cilemeadair, a' criochnachadh ann am beagan a' bharrachd air ceithir uairean a thìde gu leth.

Thuirt Kerry gun robh i air obair mhòr a dheanamh air thoiseach air farpais Bhreatainn, agus gun robh i air a dòigh glan le mar a chaidh dhì.