Fir a bh' ann an tubaist-adhair air an ainmeachadh
- Air fhoillseachadh
B' e fear-gnothachais à Siorrachd Rois fear den dithis a chaidh a mharbhadh ann an tubaist-itealain faisg air Dun Dè Là na Sàbaid.
Bha Iain MacFhionnghain, a bha 53 bliadhna de dh'aois, a' ruith gharaids ann an Inbhir Pheofharain.
Còmhla ris sa phlèana bha Anndra MacThòmais, aois 37, à Chester.
Dh'fhàg an t-itealan Port-adhair Inbhir Nis madainn na Sàbaid agus bha dùil rithe aig Port-Adhair Dhùn Dè mu 12:00f.
Ach, mu cheithir mìle bhon phort-adhair chaidh an conaltradh eadar am plèana agus an luchd-iùil a chall.
Cha robh an aimsir math nuair a chaidh i a dhìth, le uisge, ceò agus a' ghaoth a' ruighin 35m.s.u.
Chuirear iomairt theasairginn mhòr air dòigh leis na Poilis, sgiobaidhean Mhaor-Cladaich, an RNLI agus an RAF.
Fhuair luchd-teasgairginn sprùilleach an itealain mu cheithir uairean de thìde às dèidh làimh, mu dheich mìle an iar air a' phort-adhair.
Tha an rannsachadh mu dè a dh'adhbhraich an tubaist a' leantainn.