Fear a dhìth san Eilean Sgitheanach

Stephen Russell

Tha na Poilis a' sireadh fiosrachaidh mu fhear a tha a dhìth anns an Eilean Sgitheanach 's dragh ann mu shlàinte.

Chaidh Stephen Russell, a tha 43, fhaicinn mu dheireadh air Rathad Bhlàbheinn ann am Port Rìgh Dimàirt an 9mh là den Ògmhios.

Tha e còig troighean 's deich oirlich de dh'àirde, caol, maol le feusaig dhuibh.

Bidh e tric a' coiseachd nam beann.

Bidh ad beanie air mar as tric, seacaid ghorm dhìonach agus bidh e a' giùlain uideamachd coiseachd.

Dh'fhaodadh speuclairean grèine a bhith air cuideachd.

Tha dùil gum faodadh e a bhith a' coiseachd Slighe Taobh Siar na Gàidhealtachd.

Thathas ag iarraidh air duine sam bith aig a bheil fiosrachadh mu dheidhinn fònadh chun nam Poileas air àireamh-fòn 101.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile