Clach-uaighe ga cuir an àirde dha Hercules

Nochd Hercules ann am fiolmaichean an dèidh dha a dhol a dhìth ann am Beinn na Faoghla.

Chuirear clach-uaighe air uaigh mathain a dh'fhàs ainmeil nuair a chaidh e a dhìth ann an Uibhist bho chionn 25 bliadhna.

Bha Hercules, a bhasaich bho chionn 15 bliadhna, ma sgaoil ann am Beinn na Faoghla fad 24 latha ann an 1980.

Chaidh Hercules a cheannach fhad 's a bha e na chuilean le Andy agus Maggie Robin.

'S ann airson sanas a chlàradh a chaidh a thoirt a Bheinn na Faoghla.

Ach feumaidh nach do chòrd an gnothach ris ro mhath son theich e.

An dèidh 24 latha a' seachnadh iadsan a bha a-muigh ga lorg, chaidh Hercules a ghlacadh, rud a bha na fhaochadh mòr do mhuinntir na sgìre agus an dithis leis an robh e.

Fhuaireadh lorg air a' snàmh agus chaidh a bhualadh le gath gus a chur na chadal agus a thilleadh do Mhgr Robin air heileacoptair.

Bha am mathan air fasig air 20 clach de chuideam a chall anns an ùine sin, agus e gun eòlas seilge.

Nuair a bhàsaich e ann an 2000, chaidh a thiodhlaigeach ann an gàradh an teaghlaich ann an Siorrachd Chlach Mhanainn.

Ach chuir iad romhpa bho chionn ghoirid Hercules a thoirt às an uaigh agus a thiodhlageach às ùr ann an Coille Langais ann an Uibhist a Tuath.

Theid a' chlach-uaighe a chuir an àrda Diardaoin ri taobh iomhaigh fiodha dhen mhathan fhèin.