Manaidsear ùr an Leòdhas

Air fhoillseachadh
Tùs an deilbh, Camanachd Leòdhais
Fo-thiotal an deilbh,
Donnchadh Mac an t-Saoir.

Chaidh manaidsear ùr do Chamanachd Leòdhais a thaghadh aig coinneimh bhliadhnail a' chluba oidhche Dhiardaoin.

Tha Donnchadh Mac an t-Saoir air a bhith na phàirt cudromach den sgioba bho thòisich iad ann am farpaisean nàiseanta ann an 2007.

Chluich e do Ghleann Garradh anns na 1980'an is 1990'an.

Thèid Mac an t-Saoir an àite Iain Mhic na Ceàrdaich, a dh'fhàg an dreuchd aig deireadh an t-seusain seo.

Chaidh Mgr Mac na Ceàrdaich fhèin dhan dreuchd ann an 2013 is Pòl Duke air leigeil fhaicinn gun robh e 'son làn-aire a chur air cluich dhan sgioba.

Chrìochnaich na Leòdhasaich san 8mh àite ann an Lìog Tuath 2 is a h-uile coltas ann gu bheil bunait làidir aca.

Thuirt an cluba às dèidh na coinneimh Diardaoin gu bheil iad misneachail gun urrainn dha Donnchadh Mac an t-Saoir togail air a' bhunait sin is an tuilleadh adhartais a dhèanamh.

Tuilleadh air an sgeulachd seo

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh