MG Alba air taic £1m a chall
- Air fhoillseachadh
Tha telebhisean Gàidhlig air £1m de thaic-airgid bho Riaghaltas na Rìoghachd Aonaichte mar phàirt de ghearraidhean a dh'fhoillsich an Seansalair Diciadain.
Bha MG Alba, a tha a' ruith BBC Alba ann an co-bhonn ris a' BhBC, a' faighinn an airgid bho Roinn a' Chultair, nam Meadhanan agus an Spòrs.
Chaidh airgead a bharrachd à Westminster 'son telebhisean na Gàidhlig fhoillseachadh ann an 2014 le Danny Alexander, a bha na Àrd-Rùnaire do Roinn an Ionmhais aig an àm.
Gheall e £1m a bharrachd eadar 2014 is 2016, dùblachadh air an t-suim a bha an Riaghaltas a' toirt seachad.
Thuirt Mgr Alexander gur e pàirt cudromach de dhualchas na dùthcha a th' anns a' Ghàidhlig, 's gun robh e iomchaidh gun toireadh Riaghaltas Westminster taic seachad.
Thuirt an DCMS gu bheil dleasdanas air Riaghaltas na h-Alba taic a thoirt do MG ALBA ach gun robh Riaghaltas na Co-bhanntachd aig Westminster air taic shònraichte £2m a thoirt seachad eadar 2014 is 2016.
Dhearbh iad gun tig an taic sin gu ceann sa Mhàirt 2016.