An t-Oll. Meg Bateman

An t-Oll. Meg Bateman
Image caption Tha an t-Oll. Bateman air a bhith stèidhichte aig Sabhal Mòr Ostaig bho 1998

Tha am bàrd Meg Bateman a-nis na h-ollamh ann an Oilthigh na Gàidhealtachd 's nan Eilean.

Chaidh an tiotal a bhuileachadh oirre mar dhòigh gus aithne a thoirt dhan obair a tha i air a dhèanamh thar nam bliadhnaichean air eòlas Gàidhlig agus Ceiltis.

Thuirt i gu robh i gu math toilichte an t-urram fhaighinn, 's gu h-àraidh às dèidh dhith fhèin a' Ghàidhlig ionnsachadh.

"Bu toil leam gum bithinn a' toirt cuideachaidh do dhaoine òga - neo daoine de sheòrsa sam bith - a tha airson bàrdachd a sgrìobhadh".

"Tha mi glè thoilichte do dh'Oilthigh na Gàidhealtachd 's nan Eilean gu bheil iad air a' Ghàidhlig aithneachadh le bhith a' dèanamh Ollamh dhiom".

Tha i air a bhith ag obair ann an Sabhal Mòr Ostaig bho 1998.

Bha i roimhe na h-oileanach agus na h-òraidiche ann an Oilthigh Obar Dheathain.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile