BBC Naidheachdan

Misneachd mhòr mu ghnìomhachas a' Chlò

Published
image captionTha Cathraiche an HTA ag ràdh gu bheil dùil aige ri bliadhna mhath.

Tha Cathraiche Ùghdarras a' Chlò Mhòir, an HTA, ag ràdh gu bheil e an dòchas gur e seo a' bhliadhna as fheàrr fhathast dhan ghnìomhachas.

Tha an t-ùghdarras air a bhith a' gabhail pàirt ann am fear de na taisbeanaidhean aodaich as motha anns an t-saoghal anns an Eadailt.

Thàinig e am barr an t-seachdain seo cuideachd ge-tà, gu bheil ceist mhòr fhathast mu choinneimh Mhuileann Chàrlabhaigh 's am fear leis a bheil i ag ràdh gun dùin e i, mura tèid aige air a reic.

Tha a' mhuileann sin a' cumail cosnaidh ri 27 duine.

Tha Cathraiche an HTA, Tormod L. Dòmhnallach, ag ràdh gu bheil e a' faireachdainn gu math duilich dhan luchd-obrach, mura faighear cuideigin a thig a-steach airson a ceannach.

Tha e a' dèanamh dheth ge-tà, nach toireadh dùnadh na muilne cus buaidh air a' ghnìomhachas anns an fharsaingeachd.

Tha e ag ràdh gur e 2015 a' bhliadhna a b' fheàrr a bh' aca bho chionn 15 bliadhna, agus gur ann nas fheàrr buileach a tha cùisean a' coimhead am-bliadhna.

Tuilleadh air an sgeulachd seo

  • Mì-chinnt fhathast mu Mhuileann Chàrlabhaigh

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh