BBC Naidheachdan

Quinn air ais aig County

Published
image copyrightSNS

Chuir Pòl Quinn ainm ri cùmhnant 18 mìosan ri Ross County às dèidh dha Obar Dheathain fhàgail.

Bha Quinn, 30, air gluasad bho Inbhir Pheofharain gu Pittodrie san t-Samhradh.

Cha do thòisich e ach 12 geama dha na Dons ge-tà, is aithrisean ann cuideachd nach robh a theaghlach toilichte san Ear-Thuath.

Cupa na Lìge

Bidh cothrom aig Quinn, a bha roimhe na sgiobair aig County, cluiche an aghaidh Celtic ann an Cupa na Lìge Didòmhnaich.

Bha e air a' bheingidh nuair a chaill Obar Dheathain ri Hibs san fharpais nas tràithe air an t-seusan, ach cha do chluich e sa gheama.

Chluich Quinn 'son Tobar na Màthar, Cardiff City is Doncaster Rovers mus deach e gu County a' chiad turas.

Ceanglaichean Eadar-lìn Dàimheil

  • Ross County

Chan eil am BBC an urra ri na tha air Làraichean-lìn air an taobh a-muigh