Gearradh cìse uisge-bheatha ga iarraidh

  • 19 An Gearran 2016
Uisge-beatha Image copyright PA

Dh'iarr Comann an Uisge-Bheatha gun tèid a' chìs a th' air uisge-bheatha a ghearradh 2% sa bhuidseat an ath-mhìos.

Tha an Comann ag ràdh gu bheil figearan ùra a' sealltainn cho cudromach 's a tha an gnìomhachas do dh'eaconamaidh Bhreatainn.

Thuirt iad gu bheil luach £4bn anns na tha iad a' cur a-null thairis, agus às aonais a' ghnìomhachais gum biodh easbhaidh malairt Bhreatainn 11% na bu mhotha na tha e an-dràsta.

Gheàrr an Seansalair, Seòras Osborne, a' chìs a th' air uisge-bheatha a dhà sa cheud an-uiridh.

Thuirt an Comann gun do rinn sin feum, ach gu bheil a' chìs a th' air botal sa chumantas fhathast a' dèanamh suas cha-mhòr 80% den phrìs.