Droch thubaist air an A9

Thachair an tubaist faisg air Deilgnidh

Chaidh dithis bhoireannach a thoirt dhan ospadal is iad air an droch ghoirteachadh às dèidh tubaist air an A9 air Ghàidhealtachd.

Thachair an tubaist, le dà chàr, faisg air Deilgnidh, Inbhir Ghòrdain, ro 13:30 Là na Sàbaid.

Thuirt na poilis gun deach dràibhear Ford Fiesta gorm is neach-siubhail ann an Honda Civic gorm a thoirt gu Ospadal an Rathaig Mhòir ann an Inbhir Nis.

Tha na poilis airson bruidhinn ri duine sam bith a chunnaic an tubaist.