Comataidh ùr gus coinneachadh am Port Rìgh

Port Rìgh

Coinnichidh Comataidh ùr an Eilein Sgitheanaich de Chomhairle na Gàidhealtachd Diluain airson a' chiad uair.

Chaidh a' chomataidh a stèidheachadh às dèidh iarrtasan 'son cumhachdan a chur sìos dha ìre na coimhearsnachd.

Tha riochdairean na sgìre ann an Dùn Èideann is Lunnainn, Dàibhidh MacThòmais is Iain Blackford, air iarraidh gun tèid comhairle ùr a stèidheachadh air taobh siar na Gàidhealtachd.

Tha Roinn na Gàidhealachd a-nise air comataidhean sgìreil a chur air chois.

Comataidhean

Tha ochd dhuibh air feadh na sgìre.

Bidh e an urra ri comhairlichean anns na sgìrean sin co-dhùnaidhean mu sheirbheisean an ùghadarrais ionadail a dhèanamh iad fhèin.

Bidh cumhachd aca air co-dhùnaidhean mar chàradh nan rathaidean, glanadh nan sràidean agus taighean-beaga.

Bidh a' chiad choinneamh de Chomataidh an Eilein Sgitheanaich ann am Port Rìgh Diluain.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile