BBC Naidheachdan

Leasachadh san amharc aig Cruachan

Published
image copyrightIan Taylor / Geograph

Tha a' chompanaidh Scottish Power a' sireadh taic an Riaghaltais airson planaichean gus an stèisean dealain aig Cruachan ann an Earra-Ghàidheal a leudachadh gu mòr.

Dh' iarradh iad dam eile a thogail aig an stèisean gus an comas dealain a th' ann a dhùblachadh.

Bidh an stèisean a' cruthachadh agus a' stòradh dealain.

Pumpadh

Tha e ag obair le uisge à Loch Obha a phumpadh gu h-àrd nuair a tha dealan ri cheannach saor, agus ga stòradh gus am bi cumhachd a dhìth agus prìsean nas àirde ann.

Thuirt Scottish Power gu bheil fàs ann an cumhachd ath-nuadhachail a' fàgail gum bi feum air àite a bharrachd airson cumhachd a stòradh.

Chosgadh an leasachadh suas ri £400m.

Gealltanas

Thuirt Scottish Power nach tèid e air adhart gun gealltanas bhon Riaghaltas air bun-phrìs an dealain.

Thuirt iad gun gabhadh iad ri casg air prothaidean mar phàirt den aonta sin.

Chaidh an stèisean aig Cruachan fhosgladh ann an 1965.

Tuilleadh air an sgeulachd seo

  • Cruachan 50

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh