Aonta Baile dha Inbhir Nis "an ceartuair"

Thuirt Rùnaire na h-Alba gun tèid aonta baile dha Inbhir Nis is a' Ghàidhealtachd fhoillseachadh an ceartuair.

Bha dùil ri dearbhadh air an aonta ann am buidseat Shèorais Osborne Diciadain.

Ged a dh'fhoillsich an Seansalair cùmhnant dha Dùn Èideann is Ear-Dheas na h-Alba, cha robh guth aige air Inbhir Nis.

Thuirt Dàibhidh Mundell, ge-tà, nach fhada gus an tig naidheachd mu phrìomh bhaile na Gàidhealtachd.

Fhuair Glaschu is Obar Dheathain aonta baile mar thà.

Bhiodh luach £300m ann an aonta baile dha Inbhir Nis.

Thigeadh airgead an dà chuid bho Westminster is Holyrood.