Poilis a' lorg fiosrachaidh às ùr mu fhear air chall

Jason Gates Image copyright Police Scotland

Tha na Poilis air fios às ùr iarraidh mu Jason Gates, aois 36, à Hampshire, a chunnacas mu dheireadh air an 17mh am Màrt.

Chaidh grunn phìosan aodaich a lorg ann an sgìre Dhruim na Drochaid.

Thuirt oifigearan gun do lorg iad seacaid North Face bhuidhe agus briogais dhubh agus thathar a' creidsinn gur ann le Mgr Gates a tha iad.

Tha iomairt theasairginn air a bhith a' dol bho chionn chola-deug feuch lorg fhaighinn air an duine.

Chaidh an cù aige a lorg ann an Druim na Drochaid agus e air grunn chaorach a mharbhadh.

Tha Jason Gates 6'3", 's e caol, le falt goirid air liathadh agus bun feusaig air.