Dortadh ceimigeach an taigh-staile

Chaidh an luchd-obrach a thoirt a-mach à taigh-staile ann am Moireibh Diluain an dèidh dortadh ceimigich.

Dh'iarr na Poilis air na h-uimhir de dhaoine a tha a' fuireach faisg air làimh na dachannan aca fhàgail cuideachd.

Chuireadh fios air na seirbheisean èiginn gu Taigh-staile Longmorn, faisg air Eilginn, mu 12:45f.

Thuirt Poilis Alba nach deach duine a ghoirteachadh.

Thuirt Seirbheis Smàlaidh is Teasairginn na h-Alba gu bheil sgiobannan aca fhathast a' dèiligeadh ris a' chùis.