Fear a dhìth an Gleann Comhann

  • 12 An Cèitean 2016
Eideard Davies Image copyright Police Scotland

Tha na Poilis ag iarraidh cuideachaidh 's iad a' sireadh fireannaich a tha a dhìth 's e air a bhith a' coiseachd nam beann nan an Gleann Comhann.

Bha dùil gun deach Eideard Davies, 39, à Hampshire ann an Sasainn, a choiseachd san sgìre timcheall Sgor na h-Ulaidh, Didòmhnaich.

Chaidh fios air na Poilis feasgar Diciadain an dèidh dha faileachadh air Mgr Davies fios a chur air càirdean.

Tha sgiobannan teasairginn nam beann à Gleann Comhann agus às an Òban air a bhith a' muigh ga shireadh.

Tha na poilis, coin-tesairginn agus heileacoptair nam Maor-Cladaich air a bhith an sàs san iomairt.

Chunnacas càr Toyota Aygo geal a bhios e a' dràibheadh air a pharcadh faisg air ionad tadhail Ghlinne Chomhann.

Thae geal, 5'11", 's e caol le falt dorcha-dhonn. Thathas a' smaointinn gun robh seacaid ghorm dhìonach air.