Poilis ag iarraidh taic a' phobaill

Làrach na tubaiste Image copyright JASPERIMAGE

Dh'iarr poilis a tha a' rannsachadh tubaist-rathaid mhairbhtich san Eilean Sgitheanach taic on phoball.

Bhàsaich boireannach, 24, an dèidh dhan chàr aice tighinn far an A87 mu mhìle tuath air an Ath Leathann aig 10:10m Dihaoine.

Dh'iarr a teaghlach air na Poilis gun a h-ainm fhoillseachadh.

Gheàrr luchd-smàlaidh am boireannach a-mach à sprùilleach a' chàir.

Dh'iarr na Poilis fiosrachadh bho dhuine sam bith a chunnaic an càr, Ford Fiesta dearg, timcheall air an àm a thachair an tubaist.