Seirbheis adhair ùr do dh'Inbhir Nis

Image copyright KLM

Thòisich seirbheis adhair ùr eadar Inbhir Nis agus Amsterdam Dimàirt.

Ràinig a' chiad phlèana, le KLM ga ruith, Inbhir Nis sa mhadainn, 's e air tighinn ann à port-adhair Schiphol.

Bidh an t-seirbheis a' farpais ri Flybe, a tha mar thà a' sgèith eadar an dà phort-adhair.

Chuir arc mòr uisge bho dhà charbad-smàlaidh a' phuirt-adhair fàilte air a' phlèana 's e a' rughinn Inbhir Nis.

'S e an dàrna togail mòr taobh a-staigh mìos do phort-adhair Inbhir Nis a th' anns an t-seirbheis ùr.

O chionn dà sheachdain, stèidhich British Airways seirbheis eadar Inbhir Nis agus Heathrow às ùr, 20 bliadhna an dèidh don t-seirbheis a b' àbhaist dhaibh a bhith a' ruith tighinn gu crìch.