Taghadh duilich dha na Sgitheanaich

Bidh Camanachd an Eilein Sgitheanaich air falbh an aghaidh Bhaile Ùir an t-Slèibh ann an Cupa na Camanachd, ma 's e is gum faigh iad seachad air Glaschu Meadhan Earra-Ghàidheal.

Bha na Sgitheanaich is GMA co-ionnan 1-1 Disathairne, fhad 's a bha am Baile Ùr a' buannachadh 4-1 an aghaidh Lòbhait.

Chaidh Caol Bhòid a thaghadh aig an taigh an aghaidh Loch Abair, is bidh Cill Mhàillidh an aghaidh Camanachd an Òbain.

Sa gheama mu dheireadh, bidh Cabair Fèidh no Ceann Loch Seile an aghaidh na Manachainn.

Tha an taghadh mar a leanas;

Baile Ùr an t-Slèibh - Camanachd an Eilein Sgitheanaich / GMA

Caol Bhòid - Loch Abar

Cill Mhàillidh - Camanachd an Òbain

Cabair Fèidh / Ceann Loch Seile - A' Mhanachainn

Bidh na geamaichean ann Disathairne an 9mh den Iuchar.