Ceist ùr mu Dhùn Deòrsa

Dùn Dèorsa Image copyright Peter Bond / Geograph

Nochd ceist ùr mu Dhùn Deòrsa faisg air Inbhir Nis.

Thathas a' tuigsinn gu bheil Ministrealachd an Dìon a' beachdachadh air an airm a tharraing às.

Chan e seo a' chiad turas a bha ceist ann mun ghearasdan, a tha na dhachaidh dhan Fhreiceadan Dubh.

Thuirt Rùnaire na h-Eaconamaidh is nan Obraichean aig Holyrood, Cè Brown, gu bheil e air a' chùis a thogail le Rùnaire an Dìon, Mìchael Fallon, mar-thà.

Tha dleasdanas air Riaghaltas na h-Alba dha Dùn Deòrsa mar làraich eachdraidheil.

Thuirt Mgr Brown gum biodh ceist ann mu dheidhinn sin nan rachadh an t-airm a tharraing às.

Dh'innis e cuideachd gu bheil iomagain ann mu na tha an dàn dhan Fhreiceadan Dubh fhèin.

Coinnichidh Cè Brown is Minisear Dìon Westminster, Mark Lancaster, Diardaoin.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile