Luchd-obrach na h-ola air stailc

Image copyright Shell

Image caption Tha Brent Bravo am measg nan clàran air a bheil an stailc a' toirt buaidh.

Tha a' chiad stailc am measg luchd-obrach a' Chuain a Tuath ann an cha mhòr 30 bliadhna air tòiseachadh.

Tha còrr is 300 neach-obrach air seachd clàran-ola a' sguir a dh'obair fad ceithir uairean fichead.

Dh'fhailich air còmhraidhean eadar na h-aonaidhean Unite agus RMT aonta a ruighinn leis a' Wood Group a thaobh pàighidh agus chùmhnantan obrach.

Thuirt a' chompanaidh a tha a' ruith nan clàran-ola, Shell, nach toir seo buaidh air na tha de dh'ola a' tighinn às na clàran, no air sàbhailteachd.

Gearradh

Tha ceannardan na buidhne Wood Group a tha ruith nan 7 clàran ola air a bheil na stailcean airson na companaidh Shell a' dol às àicheadh gu bheil cuid de luchd-obrach gus gearradh de suas gu 30% fhaicinn anns tha tha iad a' cosnadh.

Thèid an fheadhain a tha a' gabhail pàirt san stailc a gluasad gu seòmar stèidhichte air na clàran agus cha teid loidhneaichean piocaid a chruthachadh.

Thuirt Shell gur e bristeadh dùil a bha san stailc ach gum bu chòir dha a bhith soillear gum feumadh structar gnìomhachas na h-ola agus a' ghas sa chuan a tuath atharrachadh airson a bhith a' farpais le roinnein eile aig àm a tha prìs na h-ola ìosal.