Draghan mu obraichean Raon Rocaid Uibhist

Siostam Rapier
Image caption Chaidh strì mhòr a dhèanamh airson raon Uibhist a ghlèidheadh ann an 2010.

Gheall ball-pàrlamaid nan Eilean Siar ann an Westminster strì a dhèanamh son obraichean aig raon rocaidean Uibhist a ghlèidheadh.

Thuirt Aonghas Brianan MacNèill gu robh e air a bhith a' bruidhinn ri QinetiQ agus gu robh e a' tuigse gu robh 19 consaidhean ann an cunnart agus gu robh co-luadar gu bhith air a dhèanamh mun deidhinn.

Às na 19 cosnaidhean sin tha e a' tuigse gum bi sia obraichean a' falbh.

Mairidh an co-luadar dà mhìos.

Litir

Cha chluich seo air an uidheamachd agaibh
Draghan bhall-pàrlamaid mu obraichean Uibhist

Thuirt Mgr MacNèill gu sgrìobhadh e gu Ministreachd an Dìon mun chùis 's e ag radh gu bheil argamaid làidir ann son obraichean Uibhist a chumail.

Tha fear de chomhairlichean Uibhist a Deas cuideachd air draghan a thogail mu na dreuchdan a tha ann an cunnart.

Tha Raghnall MacFhionghuinn ag ràdh nach tuirt Qinetiq, a tha a' ruith an raoin, mòran mun t-suidheachadh.

Ach tha esan ag ràdh gu'n toireach call-cosnaidh droch bhuaidh air economaidh Uibhist - gu h-àraidh ma 's e dreuchdan air deagh thuarasdal a bhios ann.

Farpais

Agus tha ceist air cuideachd am feum luchd-obrach Uibhist farpais an aghaidh dhaoine bho làraich eile aig Qinetiq airson nan dreuchdan a thèid fhàgail.

Cha chluich seo air an uidheamachd agaibh
Dragh air comhairle mu raon nan rocaid

Bha Riaghaltas Westminster am beachd Raon Rocaidean Uibhist a dhùnadh ann an 2010 ach chaidh cur às dhan phlana sin.

Cha robh QinetiQ deònach dearbhadh cia mheud obair a dh'fhaodadh falbh ann an Uibhist, ach thuirt iad gun dèan iad nas urrainn dhaibh airson obraichean a dhìon.

Tuilleadh air an sgeulachd seo