Dùil gun deach corp iasgair fhaighinn

Chaidh innse dha teaghlach Craig Reid gun deach corp a' lorg.

Tha dùil gur e corp iasgair à Inbhir Nis, a thuit dhan mhuir bho chionn ceithir mìosan, a chaidh fhaighinn mu chòig mìle fichead an iar-thuath air Arcaibh.

'S e bàt'-iasgaich a fhuair an corp madainn Disathairne.

Thuit Craig Reid, a bha 25, dhan mhuir air an 18mh là dhen Ghiblean bhon bàta an Apollo.

Ged nach deach aithneachadh oifigeil a dhèanamh fhathast, chaidh fios a chuir gu theaghlach.

Bha heileacoptairean teasairginn agus plèana bho Chabhlachd nan Stàitean Aonaichte, a bha a' gabhail pàirt ann an eacarsaich trèanaidh faisg air làimh, an sàs anns an iomairt-theasairginn às dèidh na tubaist.